Plantun de Prouvènço

Pèr coumpara dos planto d'encò nostre

Lonicera caerulea & Persicaria lapathifolia

Lonicera caerulea

Caprifoliaceae

Noms en français : Camérisier bleu, Chèvrefeuille bleu.

Descripcioun :
Lou cabrifueio-blu es un aubret que trachis en moutagno souto li mele e proche di rousage. Li flour, jaunasso, soun bessouno pèr dos, ço que vai douna un fru bessoun blu. Li fueio soun verdalo.

Usanço :
Coume pèr la maje-part di Lonicera, li fru soun empouisounant (sabounino e baso nicotinico), fan raca e dounon la fouiro. A forto doso soun dangerous pèr lou cor e li nèrvi.

Port : Aubret
Taio : 0,3 à 1,2 m
Fueio : óupousado
Tipe bioulougico : Faneroufite
Cicle bioulougico : Planto renadivo

Gènre : Lonicera
Famiho : Caprifoliaceae

Coulour de la flour : Jauno
Petalo : 5
Ø (o loungour) flour : 5 à 10 mm
Flourido : Printèms

Sòu : Si
Autour basso e auto : Pancaro entresigna
Aparado : Noun

Liò : Mountagno mejano - Terraire safrous
Estànci : Subaupen
Couroulougi : Boureau
Ref. sc. : Lonicera caerulea L., 1753

Cambo-roujo

Persicaria lapathifolia

Polygonaceae

Noms en français : Renouée à feuilles d'oseille, Renouée à feuilles de patience.

Descripcioun :
Planto coumuno de ribiero e de prado umido. Li flour podon èstre roso o blanco. Se destrìo de Persicaria maculosa, pas pèr la taco sus la fueio que pòu l'agué elo peréu, mai pèr sa formo de fueio mai largo, l'absènci de péu sus la pichoto membrano subre li nous (ocrea -vèire la fotò) e peréu qu'a un pecou cubert de pichòti gibo (fotò).

Usanço :
Persicaria lapathifolia ajudo à lucha contro li proublèmo de saunamen ( règlo...), contro l'inflamacioun e peréu lou quiéu tapa. Li jouìni fueio se podon manja, mai pas de trop que i'a, coume pèr lis eigreto e li patiènci, d'acide óussali.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Persicaria
Famiho : Polygonaceae

Ordre : Caryophyllales

Coulour de la flour : Roso
Petalo : 3
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Ribiero - Prado umido
Estànci : Pancaro entresigna
Couroulougi : Pancaro entresigna
Ref. sc. : Persicaria lapathifolia (L.) Delarbre, 1800 (= Polygonum lapathifolium L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Lonicera caerulea & Persicaria lapathifolia

ges

Coumpara Cabrifueio(-blu) emé uno autro planto

Coumpara Cambo-roujo emé uno autro planto